Autoritetet në Peru thonë se kanë kapur më tepër se 1 ton kokainë, pas një hetimi që zgjati rreth katër muaj. Sasia e drogës, me vlerën e 45 milionë dollarëve, u konfiskua në qytetin bregdetar Çansej, në veri të Limës.

Pakot me mbështjellje plastike kishin fotografitë e dy trafikantëve famëkeq të drogës, Jaoquin ‘Chapo’ Guzman dhe Pablo Escobar, me synimin për t’u treguar blerësve se ishte drogë e cilësisë më të lartë.

Gjatë operacionit për kapjen e drogës u arrestuan 12 të dyshuar, përfshirë dy shtetas peruanë dhe kolumbianë. Agjencia Amerikane për Kontrollin e Drogës thotë se Peruja është vendi i dytë në botë, pas Kolumbisë që prodhon më tepër kokainë./VOA