Mjekët dhe historia: “Distancimi social” e vetmja mënyrë efikase
Distancimi social është e vetmja armë që kemi për të luftuar koronavirusin. Këtë nuk e thonë vetëm krerët e shteteve, por e thotë shkenca dhe e konfirmon historia.
Tashmë të gjithë duhet ta kenë të qartë që karantina është çka kemi në dorë për të mos lejuar përhapjen masive të sëmundjes Covid-19, që shkakton ky virus, në pritje të vaksinës që edhe në hipotezat më të mira, do duhet pak kohë që të mbërrijë.
Këtë e konfirmon Kina që arriti të bllokojë dhe izolojë 40 mln njerëz që në muajin Janar, apo e vetmja zonë e kuqe që funksionoi vërtetë në 11 qyteza në veri të Italisë.
Por historia, që është leksioni më i mirë, mëson se edhe 100 vjet më parë, ishte pikërisht izolimi njerëzor që ndali epideminë e gripit spanjoll, që mori përmasa të frikshme, duke marrë nga 50-100 milionë jetë njerëzish, duke prekur 500 milionë në një popullsi totale globale prej 2 miliardë.
Statistikat historike tregojnë se distancimi social është efikas kur hyn në fuqi atëherë kur më pak se 1% e popullsisë është prekur nga virusi. Dhe rreptësia e tyre është sekreti, që ul kurbën e infektimit në mënyrë drastike.
Klan Plus
