Dukesha është detyruar të anulojë të gjitha angazhimet e saj
Dukesha e Kembrixhit, Kate Middleton, është vetëizoluar dhe ka anuluar angazhimet e saj pasi dikush me të cilin ajo ra në kontakt doli pozitiv për COVID-19.
Ky lajm është konfirmuar dhe nga zyra e saj .
“Javën e shkuar Dukesha e Kembrixhit takoi një person që ka rezultuar më pas pozitiv me COVID-19. Ajo nuk po përjeton ndonjë simptomë, por po ndjek të gjitha udhëzimet përkatëse të qeverisë dhe po izolohet në shtëpi“, tha një zëdhënës i pallatit Kesington.
Kate, gruaja e Princit William, mori pjesë në disa ngjarje javën e kaluar ku më i rëndësishmi ishte ai i kampionatit të tenisit Wimbledon .
Vetë William u infektua me koronavirus Prillin e kaluar, në të njëjtën kohë kur babai i tij, trashëgimtari i fronit Princi Charles ishte me COVID-19, por të dy e kaluan pa pasoja të rënda.
Klan News
