Emisioni “Opinion Plus”, në Tv Klan solli mbrëmjen e sotme intervistën e veçantë në një studio të improvizuar në Romë me këngëtaren e famshme shqiptare në Itali, Elsa Lila.
Ajo ditët e fundit ka qenë në qendër të mediave italiane, për shkak të pjesëmarrjes së saj në Festivalin Sanremo.
“Jam shumë e kënaqur si shkoi Sanremo këtë vit, pavarësisht se nuk u arrit që të merrej një çmim. Jam e kënaqur se takova njerëz shumë interesantë, për sa i përket punës, bëra takime shumë interesante me kompozitorë, me producentë. Sanremo është një vitrinë shumë e madhe, është një javë intensive publiciteti në thelb. Besoj se të dyja pasazhet televizive që kam bërë kanë qenë shumë pozitive dhe këtu në Itali të paktën për merkatin italian është kjo ajo që intereson.“./tvklan.al
