“I kujtojmë Ramës dhe Bashës angazhimet e 5 Qershorit”
Ambasadorja amerikane, Yuri Kim, i ka kujtuar Ramës e Bashës angazhimin që morën me marrëveshjen e 5 Qershorit.
Ajo shkruan në Twitter se ata janë përgjegjës për reformën zgjedhore ndërsa propozimet që bëhen duhet të jenë me besimin e mirë mes palëve.
“Ne i kujtojmë kryeministrit Edi Rama, Lulzim Bashës dhe të gjithë udhëheqësve të tjerë të gjitha angazhimet që ata kanë bërë në lidhje me marrëveshje e 5 qershorit dhe çdo masë përtej kësaj. Angazhimi, propozimet dhe kundër-propozimet duhet të jenë me mirëbesim. Gjithmonë do të ju mbështes, por ju, udhëheqësit, jeni pala përgjegjëse”, shkruan ambasadorja Yuri Kim në mesazhin e saj.
Postimin, ambasadorja amerikane e shoqëron me deklaratën e saj në ditën e miratimit në Kuvend të marrëveshjes së 5 Qershorit.
Opozita dhe mazhoranca nuk kanë rënë dakord për ndryshimet kushtetuese që u miratuan më 30 Korrik. Partia Socialiste ka propozuar në Këshillin Politik draftin e saj për listat e hapura dhe koalicionet.
Ndërkohë opozita ka kërkuar të marrë ekspertizën e OSBE/ODIHR. Të dyja palët akuzojnë njëra tjetrën se duan të minojnë implementimin e Kodit të ri Zgjedhor.
We remind PM @ediramaal, DP @lulzimbasha_al & other leaders of all commitments they made with regard to 6/5 & any measures beyond 6/5. Engagement, proposals & counter-proposals must be in good faith. 🇺🇸 will always support you, but YOU – 🇦🇱 leaders – are the responsible party. https://t.co/LeFYBmyGAh
— Ambassador Yuri Kim (@USAmbAlbania) September 24, 2020
/tvklan.al
