Daja i Kim Jong-un pati një vdekje mizore. Diktatori i Koresë së Veriut, ose më saktë nipi i tij, u sigurua që fundi i jetës së një prej kokave më të larta të shtetit të ishte makabre.
Jang Song-thaek u vra dhe më pas trupi i pajetë iu hodh 120 qenve, të cilët ishin lënë 3 ditë pa ngrënë. Këto detaje tashmë i përcjellin mediat kineze, të cilat shkruajnë se Jang, dikur ishte përshkruar nga shteti si një qenie njerëzore pa vlerë.
Sipas raportimeve, zyrtarët koreano-veriorë kanë qenë të pranishëm ndërkohë që qentë hanin vaktin e tyre me mish njeriu.
Siç shkruan Mirror, lideri i Koresë së Veriut njihet për brutalitetin e tij sidomos kundër disidentëve të regjimit.
Ngjarja ka ndodhur në vitin 2013, kur Jang konsiderohej si një figurat më të pushtetshme në Korenë e Veriut. Së bashku me të, u vranë edhe 8 aleatët e tij më të fuqishëm.
Sipas mediave, vdekja e Jang forcoi pushtetin e Kim Jong-un të trashëguar nga babai në vitin 2011. Sipas një autori, Ra Jong-yil, i cili ka shkruar një biografi për Jang, me vdekjen e këtij të fundit, Koreja e Veriut humbi një njeri i cili do ta kishte ndihmuar vendin që të hapej dhe të reformohej.
Daja i Kim Jong-un, sipas autoriteteve koreano-veriore, kishte përdorur vajza për striptizëm dhe i kishte bërë ato që të këndonin këngë amerikane. Ai kishte mbajtur detyrën e ministrit të Sigurisë së Shtetit.
Pas vrasjes së tij, Kim e zëvendësoi me një gjenderal të frikshëm i cili njihet atje si “Engjëlli i vdekjes”./tvklan.al
