“Një tjetër shembull i bashkëpunimi SHBA-BE në Shqipëri”. Kështu shkruan ambasadorja amerikane në Tiranë, Yuri Kim, në lidhje me bashkëpunimin amerikan dhe europian për Shqipërinë sa i përket situatës së zjarreve.
Kim thotë se ekspertët amerikanë po punojnë nga afër me pilotët e helikopterëve holandezë dhe çekë në përpjekjet e tyre për të shuar zjarret në vendin tonë. Kjo sipas tyre ka sjellë rezultate të mira në operacionet e kryera nga ajri dhe nga toka.
🇺🇸 experts are working closely with Dutch & Czech helicopter pilots to assist the heroic efforts of 🇦🇱 forces against 🔥. Coordination among 🇦🇱 🇺🇸 🇳🇱 🇨🇿 has produced better results while improving safety & risk management for helo operations & firefighters in the ground. pic.twitter.com/ntUkTwBM7U
— Ambassador Yuri Kim (@USAmbAlbania) August 13, 2021
Ky reagim i ambasadores vjen pasi në Shqipëri ka ardhur një ekip amerikan që ka ndihmuar forcat shqiptare në situatën e zjarreve.
“Që prej mbërritjes në Shqipëri për të ndihmuar me përpjekjet e koordinimit dhe përgjigjes ndaj zjarreve në vend, ekipi ynë amerikan i ekspertëve nga Byroja për Ndihmë Humanitare e USAID, kanë ndihmuar forcat e Mbrojtjes Civile dhe Ndihmës Humanitare të Bashkimit Europian dhe ato shqiptare. Sot, zjarrfikësja e Shërbimit Pyjor të Shteteve të Bashkuara të Amerikës, Renee Jack, u takua me pilotë holandezë dhe shqiptarë në Bazën Ajrore Ushtarake të Rinasit në Tiranë, për të diskutuar qasjen e tyre strategjike ndaj përgjigjes për zjarret. Përpjekjet koordinuese midis partnerëve tanë shqiptarë, amerikanë, çekë dhe holandezë, kanë mundësuar që ekipet të luftojnë zjarret në mënyrë më efikase. Ekipi ynë i ekspertëve ka ofruar gjithashtu trajnime mbi sigurinë dhe menaxhimin e rrezikut për operacionet e helikopterëve, manovrat e zjarrit në terren, taktikat e helikopterëve për zjarrin në terren, si dhe menaxhimin e komunikimin. Vendet tona vazhdojnë të jenë të bashkuara në përpjekjet dhe bashkëpunimin tonë gjatë kësaj kohe të vështirë për Shqipërinë”, thuhet në një njoftim të ambasadës./tvklan.al