Ndryshimet e reja parashikojnë që në parlament të përfshihen më shumë deputetë patriotë
Kina ka miratuar ndryshime gjithëpërfshirëse në rregullat zgjedhore të Hong Kongut, të cilat do të forcojnë kontrollin e saj mbi qytetin.
Numri i vendeve të zgjedhura drejtpërdrejt në parlament është shkurtuar pothuajse në gjysmë dhe deputetët e ardhshëm së pari do të verifikohen nga një komitet pro-Pekinit, për të siguruar besnikërinë e tyre në kontinent.
Qëllimi është që të sigurohet se vetëm figurat patriotike mund të garojnë për pozicionet e pushtetit. Kritikët paralajmërojnë se kjo do të thotë fundi i demokracisë. Media shtetërore kineze raportoi se organi më i lartë vendimmarrës i vendit, Komiteti i Përhershëm votoi unanimisht për ta miratuar atë. Kjo ndryshon mini-kushtetutën e Hong Kongut.
Udhëheqësja e Hong Kongut, Carrie Lam, ka deklaruar se kjo është mënyra më e mirë për të bërë demokracinë, duke shtuar se komiteti i verifikimit nuk do t’i kontrollojë njerëzit bazuar në pikëpamjet e tyre politike, por përkundrazi do të heqë jo-patriotët. Opozita ka deklaruar se ky sistem i ri është me të vërtetë degradues dhe shumë shtypës.
Në vitet e fundit Pekini gradualisht ka rritur ndikimin e tij në Hong Kong. Në 2020 Pekini miratoi një ligj të sigurisë kombëtare, i cili uli autonominë gjyqësore të Hong Kongut dhe e bëri më të lehtë dënimin e demonstruesve. Që atëherë, një varg kritikësh janë dënuar me burgim të përjetshëm.
Klan News
