Miraton ligjin që mund të penalizojë të huajt të mos bëjnë biznes apo të dëbohen
Kina ka miratuar një ligj për të kundërshtuar sanksionet e huaja në përgjigje të presionit të SHBA dhe BE mbi tregtinë, teknologjinë, Hong Kong dhe Xinjiang.
Në bazë të këtij ligji, individë ose entitete kineze rrezikojnë të futen në një listë të zezë dhe si pasojë mund të përballen me refuzimin e hyrjes në Kinë apo të dëbohen nga vendi. Pasuritë e tyre brenda Kinës mund të konfiskohen ose ngrihen, ndërsa mund të kufizohen për të bërë biznes atje.
Komiteti i përhershëm i Kongresit Popullor Kombëtar miratoi ligjin. Të 14 nënkryetarët e komitetit janë ndëshkuar me sanksione nga SHBA-ja pas miratimit të ligjit të sigurimit kombëtar të Hong Kongut vitin e kaluar.
SHBA dhe aleatët e saj kanë ndëshkuar gjithnjë e më shumë zyrtarë kinezë lidhur me trajtimin që i bën Kina pakicës së saj myslimane ujgur në Xinjiang. Uashingtoni ka vënë në qendër të goditjeve edhe kompani kineze si Huawei dhe ZTE për shkeljen e sanksioneve të SHBA-së ndaj Iranit ose Koresë së Veriut.
Konsulli i Përgjithshëm i SHBA, Hanscom Smith e quajti të tmerrshëm faktin që ndikimi i Pekinit kishte përdhosur aktivitete rutinë diplomatike të tilla si takimi me aktivistë lokalë, pjesë e një goditje qeveritare ndaj forcave të huaja.
Vërejtjet e Smith theksojnë thellimin e shqetësimeve rreth lirive të përkeqësuara ndjeshëm të Hong Kongut midis shumë zyrtarëve në administratën e Presidentit Joe Biden një vit pasi parlamenti i Kinës vendosi ligjin.
Kritikët e legjislacionit thonë se ligji ka shtypur opozitën demokratike të qytetit, shoqërinë civile dhe liritë e stilit perëndimor. Dhoma e Tregtisë e Bashkimit Evropian ka deklaruar gjithashtu se anëtarët e saj ishin të alarmuar nga mungesa e transparencës në lidhje me miratimin e projekt-ligjit.
Klan News
