Klosi: Plazhet këtë sezon janë më të pastra



Klosi: Plazhet këtë sezon janë më të pastra

20:49 02/07/2020

Bashkisë së Lezhës iu dhuruan 300 kosha për mbetjet

Pavarësisht vështirësive që po kalon turizmi gjatë këtij sezoni veror për shkak të pandemisë, pushuesit që kanë zgjedhur t’i kalojnë pushimet në bregdetin e Shëngjinit do të gjejnë një ambient më të pastër. Me mbështetjen e GIZ dhe të Ministrisë së Turizmit, Bashkisë së Lezhës i janë dhuruar 300 kosha të rinj mbetjesh urbane, të cilët do të përdoren gjatë gjithë zonës së plazhit. Ministri i Turizmit, Blendi Klosi tha se koshat e rinj do të ndihmojnë gjithashtu për diferencimin e mbetjeve në burim.

“Sezoni i ri, një sezon me problematika të mëdha, por të paktën do të mbahet mend si një sezon shumë i pastër në Lezhë, Shëngjin dhe në gjithë bregdetin e Shqipërisë. 300 koshat e rinj që vendosen sot në Shëngjin janë një përpjekje për të realizuar në fakt dy qëllime e para për të pasur një sistem grumbullimi dhe trajtimi të mbetjeve urbane perfekt ku kërkohet shumë më tepër bashkëpunim i biznesit, komunitetit që të vendosin mbetjet në koshat e afruara t’i vendosin sipas orareve të caktuara nga Bashkia e Lezhës”.

Kryetari i Bashkisë së Lezhës, Pjerin Ndreu theksoi se në bashkëpunim edhe me operatorët turistik po punohet për riformatimin e të gjithë mënyrës se si do të menaxhohet situata e mbetjeve në zonën e plazhit dhe gjithë qytezës së Shëngjinit.

Tv Klan




Të ngjashme