Ai dhe bashkëkombasi i tij u identifikuan nga fluturimet
Kolumbiani i shpallur në kërkim nga Policia e Shtetit, shoqëroi ngarkesën prej 430 kilogramësh kokainë nga vendi i origjinës deri në destinacionin final.
Ky dyshim i grupi të hetimit rreth 49-vjeçarit, Samir Rodriguez përputhet me itinerarin që ka ndjekur dhe nga ngarkesa e drogës nga Kolumbia.
Nga verifikimet e kryera ai ka qenë në Athinë dhe ka fluturuar më 13 Korrik të 2022 në Podgoricë. Po në këto data është nisur dhe plehu organik nga Porti i Pireut në drejtim të atij Bar në Mal të zi.
Por këto fluturime nuk janë kryer vetëm nga Rodriguez, pasi ai ka qenë i shoqëruar dhe nga bashkëkombas i tij me incialet F.B i cili nga verifikimet nuk ka hyrë në Shqipëri asnjëherë.
Të dy këta persona dyshohet se ishin kontaktuar nga grupi kriminal për të ekstraktuar kokainën nga plehu organik.
Nga hetimet e kryera Samir Rodriguez për herë të parë ka shkuar në ambientet e laboratorit më 12 Nëntor të këtij viti, dhe sipas dosjes hetimor të cilën Tv Klan e ka lexuar, 49-vjeçari ka marrë një sasi nga thasët me pleh që ishin vendosur në oborrin e banesës në Frakull të Fierit.
Shtetasi kolumbian nuk ka qenë i vetëm, ai shoqërohej nga Redion Meshi, Bledar Matoshi dhe Julian Malaj gjithashtu të arrestuar në kuadër të opercionit ‘Konsistenca’.
Tv Klan
