Kolegji Zgjedhor pranoi kërkesën e Lëvizjes Socialiste për Integrim për t’i dhënë kësaj force politike anëtarin e tretë në grupet e numërimit , ndryshe nga sa kishte përcaktuar më herët Komisioni Qëndror i Zgjedhjeve, që në tavolinat me numër çift ky anëtar I përkiste LSI-së dhe në ato me numër tek PDIU-së.
Për përfaqësuesin ligjor të LSI-së vendimi I kolegjit solli në shinat ligjore procesin.
“Kolegji Zgjedhor i ktheu këtë pjesë të procesit në shtratin ligjor, ky ishte detyra jonë dhe mandati jonë dhe për këtë jam i lumtur dhe i kënaqur që arritëm të motivojmë kërkesën tonë për të kthyer në shtratin ligjor pjesën e numërimit.”
Por ky vendim i marrë nga kolegji zgjedhor ku relator i çështjes ishte Gjin Gjoni u kundërshtua nga Partia Demokratike.
“Falë këtij vendimi kemi një tavolinë ku tre anëtarë reflektojnë maxhorancën qeverisëse dhe një anëtar reflekton opozitën parlamentare. Me këtë vendim Kolegji Zgjedhor zhbalancon tërësisht përbërjen e komisioneve të numërimit.”
Trupa e kolegjit vendosi që anëtari I katërt në grupet e numërimit të ndahet mes Partisë Republikane të Fatmir Mediut dhe PDIU-së së Shpëtim Idrizit.
/Tv Klan