Komplot për të shkatërruar ndërtesën e Kapitolit



Komplot për të shkatërruar ndërtesën e Kapitolit

17:47 04/03/2021

Dhoma e Përfaqësuesve anulon seancën, disa teoricienë pretendojnë se Trump do të rikthehet në pushtet

Siguria është rritur në Kapitol të SHBA, në përgjigje të një komploti të mundshëm për të shkatërruar ndërtesën. Masa u nxit nga shërbimet e inteligjencës se një grup i milicisë pa emër planifikoi sulmin.

Dhoma e Përfaqësuesve anuloi seancën e së enjtes, por Senati do të vazhdojë me axhendën e tij. Kërcënimi vjen dy muaj pas sulmit vdekjeprurës në ndërtesë nga një turmë besnike ndaj ish-Presidentit Donald Trump. Ata shkelën ndërtesën e Kapitolit në Janar ndërsa ligjvënësit ishin brenda për të vërtetuar fitoren e zgjedhjeve të Demokratit Joe Biden. Trump ende refuzon të pranojë humbjen e zgjedhjeve.

Nga trazirat humbën jetën pesë persona, përfshirë një oficer policie dhe tronditën themelet e demokracisë amerikane. Që nga fundi i Shkurtit, një grup i ekstremistëve të dhunshëm të milicisë diskutuan planet për të marrë kontrollin e Kapitolit të SHBA dhe për të hequr ligjvënësit demokrat dhe diskutuan planet aspiruese për të bindur mijëra të udhëtojnë në Uashington, DC, për të marrë pjesë.

Mbështetësit e një teorie ekstremiste konspirative, e njohur si QAnon, në mënyrë të gabuar besojnë se data 4 Mars do të shënojë kthimin e Trumpit në Shtëpinë e Bardhë, për një mandat të dytë.

Ata kanë shënuar këtë datë, sepse përpara se amendamenti i 20-të i Kushtetutës amerikane i miratuar në vitin 1933  ta zhvendoste datën e betimit të Presidentit dhe Kongresit në Janar, udhëheqësit amerikanë kanë marrë detyrën më 4 Mars.

QAnon është një teori e gjerë dhe plotësisht e pabazuar që thotë se ish-presidenti Trump po zhvillon një luftë të fshehtë kundër pedofilëve që adhurojnë djallin në qeveri, biznes dhe media.

Departamenti amerikan i drejtësisë ka akuzuar më shumë se 300 njerëz për pjesëmarrje në sulmin e 6 Janarit. Të arrestuarit përfshijnë anëtarë të grupeve të milicisë së krahut të djathtë, Mbajtësit e Betimit dhe Tre Përqindëshit.

Klan News







Të ngjashme