10 familje nuk futen në apartamente për shkak të ndotjes nga kimikatet
Djegia e lëndëve kimike në këtë fabrikë të braktisur ka larguar nga banesat 10 familje që jetojnë në një pallat në Korçë.
“Policia na detyroi që të mos futemi brenda në pallat,” u shpreh njëri nga banorët e pallatit.
Banorët thonë se e kanë të pamundur të jetojnë me këtë nivel të lartë ndotjeje të shkaktuar nga gazrat kimike.
“Asnjë njëri nuk po afrohet, njerëzit e pallatit janë në rrezik.”
Sipas tyre kjo situatë përsëritet prej muajsh ndërsa nuk kanë marrë zgjidhje nga autoritetet.
“Këtu nuk mund të marrësh dot frymë, çlirohet një helm i fortë, tym, që nuk mund të jetohet 5 minuta në banesë.”
Fabrika e ish trikotazhit në Korçë prej 3 dekadash ka sasi të mëdha bojrash për ngjyrosje dhe lëndë të tjera kimike. Është në varësi të ministrisë së Financave dhe prej kohësh janë hapur procedurat e privatizimit.
Klan News
