Koreja e Veriut teston armën e re – TV KLAN

Koreja e Veriut teston armën e re

Peniani kërkon largimin e Pompeos nga bisedimet

Pa specifikuar nëse bëhet fjalë për një raketë, Koreja e Veriut njoftoi testimin e një arme të re me komandim taktik dhe me një fuqi luftarake.

Agjencia shtetërore në Penian dha pak detaje për armën e re, me gjasë një raketë, duke shënuar kësisoj një kthim pas në negociatat me SHBA-të për denuklearizimin e vendit komunist.

Por Peniani nuk u ndal me kaq, duke kërkuar heqjen e Mike Pompeos nga negociatat për eliminimin e arsenalit bërthamor. Zyrtarëve koreano-veriorë akuzojnë Sekretarin Amerikan të Shtetit për retorikë të pakuptimtë dhe të pakujdesshme. Ata i referohen deklaratës së fundit të kryediplomatit amerikan se Kim Jong-un është një tiran.

Përshkallëzimi i marrëdhënieve mes Koresë së Veriut dhe SHBA vjen pas samitit të muajit Shkurt në Vietnam, i përfunduar pa marrëveshje mes Donald Trump dhe Kim Jong-un.

Lideri komunist dhe Presidenti Trump u ndanë pa ujdi, për shkak të sanksioneve amerikane. Peniani kërkoi heqjen e tyre, ndërsa Washingtoni fillimisht denuklearizimin e plotë të Koresë së Veriut.

Tv Klan

Kategori
BotaLajmet KryesoreTe funditTë gjitha
0 Komente

Përgjigju

*

*