Kosova barazon ndeshjen e parë të Europianit

Kosova barazon ndeshjen e parë të Europianit

14:44 26/03/2019

Kosova barazoi 1-1 në shtëpi me Bullgarinë. Në stadiumin “Fadil Vokrri” të Prishtinës kosovarët merituan më shumë, pasi zhvilluan një ndeshje gati perfekte. Ekipi i Shallande shpenzoi shumë energji, krijoi volum loje dhe raste, por mungoi finalizimi i suksesshëm.

Kosova gjeti forcën të barazonte në fillimin e pjesës së dytë me Arbër Zenelin, i cili shënoi një gol të jashtëzakonshëm që elektrizoi stadiumin.

“Kam një ndjenjë të dyfishtë. E para jam i zhgënjyer me rezultatin dhe e dyta, pashë një skuadër në pjesën e dytë që luftoi fort, tregoi futboll të mirë përballë një ekipi që mbrohej fort. Nuk ishte e lehtë. U përpoqëm, kishim disa mundësi shënimi, por nuk ishim efikase”.

Ndërsa trajneri i bullgarëve doli i zhgënjyer nga takimi.

“Jam shumë i lumtur me dëshirën që kemi shfaqur, sidomos në pjesën e parë. Secili gol, secila pikë është e rëndësishme. Ne kemi 2 pikë, në dy ndeshje të luajtura. Kishte shumë gjëra në këtë skuadër, por nuk është koha të futemi në detaje. Ne duhet të përmirësohemi në gjërat bazë të futbollit”.

Kosova renditet e treta në grupin A, pas Anglisë me pikë të plota dhe Bullgarisë që ka një pikë më shumë, por po ashtu dhe një ndeshje më shumë.

Tv Klan

Të ngjashme
UKT