Nesër Ushtria e Kosovës do të parakalojë në sheshet e Prishtinës për nder të 11-vjetorit të pavarësisë së Kosovës. Kjo është hera e parë që parakalojnë me mandat të ri.
Ushtarët e Kosovës, janë duke bërë përgatitjet e fundit për parakalimin që do të kenë më 17 Shkurt për nder të 11-vjetorit të pavarësisë. Kjo është hera e parë që do të parakalojnë para qytetarëve me mision ushtarak. Për këtë, ndjejnë krenari dhe fat udhëheqësit e këtij dikasteri.
Major Remzie Zeqiraj, i ishte bashkuar Ushtrisë Çlirimtare të Kosovës në vitit 1998. Tash pas 20 vjetësh si oficere që jep kontributin e saj në zyrën për informim në Ministrinë e Mbrojtjes, ajo po përcjell me vëmendje përgatitjet për parakalimin e ushtrisë.
Ndjen krenari që amaneti i shokëve të luftës që i humbi, më në fund u bë realitet.
Në Ushtrinë e Kosovës 8.1% janë femra. Ka edhe minoritete të komunitetit serb, boshnjak, shkali dhe romë.
Në parakalimin e së dielës ushtria më e re në botë, ajo e Kosovës kësaj radhe nuk do të prezantojë makineritë e saj ushtarake.
Tv Klan
