Kosova kërkon reparacionet e luftës

Kosova kërkon reparacionet e luftës

15:45 18/11/2019

Kërkohet që çështja të ngrihet në dialogun me Serbinë

Janë shumë çështje që Kosova dhe Serbia duhet t’i definojnë në marrëveshjen finale Kosovë-Serbi. Në kuadër të kësaj marrëveshjeje sipas një studimi të Instituti Kërkimor për Çështje Evropiane dhe të Zhvillimit (RIDEA), mbi çështjen e reparacionit për krimet e luftës në Kosovë u tha se Kosova duhet të insistoj në kërkim falje nga Serbia. Karshi Serbisë, Kosova duhet të kërkojë edhe kompensim për dëmet materiale dhe njerëzore.

“Jeta njerëzore nuk ka çmim, por pandëshkueshmëria e krimit është e pafalshme. Gjithashtu u kërkua që Serbia të marrë përgjegjësi për dëmet që i ka shkaktuar “Trepçës”, gjatë kohës që menaxhonte me këtë kompani”, thotë eksperti Qerim Qerimi.

“Është në interesim e të dy shteteve të bëjnë menaxhimin e përbashkët të minierave të Belo Bërdës dhe Cërnasit, pasi është në kufirin mes dy vendeve, sa më parë që Serbia e pranon realitetin e Kosovë aq më mirë, por Serbia duhet të merr përgjegjësi për periudhën e Trepçës në vitet 90-ta”, shprehet eksperti Iraj Hashi.

Dialogu Kosovë-Serbi është ndërprerë pas taksës së vënë nga qeveria e Kosovës ndaj produkteve serbe në Nëntor të vitit të kaluar. Bashkësia Ndërkombëtare po insiston që dialogu të vazhdojë menjëherë pas krijimit të qeverisë së re.

Tv Klan




UKT
Grupi
LAJMET

Të ngjashme


UKT
Grupi