Synimi është shmangia e incidenteve
Të enjten pritet që të betohen edhe tre kryetarët e komunave të veriut të Kosovës të banuara me shumicë serbe të dalë nga zgjedhjet e 23 Prillit.
Kryeministri Albin Kurti bëri të ditur se ata do të betohen në institucione publike.
Kryetari i ri i Zveçanit ka bërë të ditur se betimi i tij nuk do të bëhet në objektin e Komunës së Zvecanit por në fshatin Boletin, i banuar me shumicë shqiptare.
Kryetari i Leposaviqit do të betohet në Bistricë e ai i Zubin Potokut në fshatin Qabër.
Se janë bërë të gjitha përgatitjet për betimin e tyre e ka konfirmuar edhe ministri i Administrimit dhe Pushtetit Lokal Elbert Krasniqi.
Më 23 Prill janë mbajtur zgjedhjet e jashtëzakonshme lokale në katër komunat veriore me shumicë serbe.
Në dy komuna ka fituar Lëvizja Vetëvendosje e në dy të tjera PDK-ja pasi që këto zgjedhje u bojkotuan nga serbët lokalë.
Tv Klan
