Në kuadër të bashkëpunimit dhe koordinimit të veprimeve, nga Interpol Tirana u bë ekstradimi nga Greqia drejt Shqipërisë i Elton Katuçit, 29 vjeç, banues në Durrës.
Sipas policisë, ai ishte shpallur në kërkim ndërkombëtar në bazë të vendimit të datës 01.07.2015, të Gjykatës së Rrethit Gjyqësor Durrës, e cila e ka dënuar me 4 vjet burg, për veprën penale “Kultivim i bimëve narkotike”.
Arrestimi i tij në Greqi, me qëllim ekstradimi drejt vendit tonë, është bërë më datë 21.07.2019, falë shkëmbimit të informacionit mes Interpol Tiranës dhe Interpol Athinës.
Përshkrimi i ngjarjes së ndodhur: Më datë 14.10.2014, Katuçi në bashkëpunim me shtetasin B. K., në afërsi të rezervatit të Rrushkullit, ka kultivuar lëndë narkotike të llojit cannabis sativa./tvklan.al
