“Rishikim të planit për 10 zonat e mbrojtura”

10 milionë turistët e vitit 2023 për Ministrinë e Turizmit dhe Mjedisit i kanë dhënë Shqipërisë një imazh pozitiv, por për 2024-ën nuk synohen vetëm shifrat.

“2024 është prova e zjarrit qe mos na kthehet në boomerang, prandaj duhet të synojmë turizmin elitar, të mos kërkojmë thjesht volume, por vlera. Turizmi elitar, i domosdoshëm, sjell më shumë të ardhura.”

Për t’i dhënë turizmit një tjetër shtrirje, në vitin 2024 është vendosur që të rishikohen planet e menaxhimit të 10 zonave të mbrojtura me qëllim edhe restaurimin e tyre.

Pas shpalljes së Vjosës Park Kombëtar në 2023-in, këtë vit Kumbaro thotë se do fillojë puna për përfshirjen e lumit edhe në UNESCO.

“Në fund të Majit vjen misioni i parë. Është një kategori e veçantë ku gjendet një ekuilibër për bashkëjetesën mes natyrës dhe njeriut.”

Po këtë vit do të nisë edhe projekti i ndërtimit të impanteve për trajtimin e ujërave të zeza që derdhën në Vjosë nga 8 bashki.

Ligji i shumëdiskutuar i menaxhimit të mbetjeve po ashtu do të rishikohet.

“Do rishikohet i tëri, për t’u bërë më i qartë….”

2024-a për Ministrinë e Turizmit dhe Mjedisit do të jetë viti i pyjeve.

Tv Klan