Kupola e kishës ‘San Gaudenzio’ në Itali ndriçohet me ngjyrat kuqezi

Kupola e kishës ‘San Gaudenzio’ në Itali ndriçohet me ngjyrat kuqezi

10:32 30/11/2019

Për shkak të situatës së krijuar në Shqipëri nga tërmetet, shumë vende janë solidarizuar dhe kanë ofruar mbështetjen e tyre për vendin tonë.

Për këtë arsye, simbol i qytetit të Novarës në Itali, kupola e San Gaudenzio është ndriçuar me ngjyrat e flamurit shqiptar.

Në shenjë solidariteti ndaj popullit shqiptar në këtë moment të vështirë, për 3 ditë resht ngjyrat e flamurit do të ndriçojnë monumentin kryesor të këtij qyteti.

Mediat italiane bëjnë me dije se kryebashkiaku i qytetit, Alessandro Canelli është shprehur se kjo është një shenjë solidariteti për tragjedinë natyrore që ka prekur Shqipërinë.

Një gjest simbolik i administratës për të shprehur solidaritetin maksimal në lidhje me atë që po përjeton Shqipëria. Këto ditë takova presidentin e Urës, shoqata e kryesuar nga shqiptarët që jetojnë në Itali dhe në Novara në veçanti. Ne folëm për atë që ndodhi në vendin tuaj. Novara shpreh solidaritetin e saj duke ndriçuar kupolën, simbolin e qytetit, me ngjyrat e Shqipërisë”./tvklan.al


Grupi
LAJMET
Të ngjashme
Grupi