Kur do të takohet Rama me Albin Kurtin?

Posta

Kur do të takohet Rama me Albin Kurtin?

18:10 18/10/2019

Kryeministri Edi Rama tha se do të takohet me kandidatin për Kryeministër të Kosovës dhe fituesin e zgjedhjeve të 6 Tetorit, Albin Kurti, në ditët e ardhshme.

Ky takim tha se do të realizohet pas kërkesës së Kurtit.

“Do të takohemi në ditët në vijim. E pres me shumë kënaqësi. E kam ndjekur në prononcimet e tij, bie dakord me të që ka nevojë për shtysë të re në raport me marrëdhënien mes dy qeverive dhe marrëveshjet e bëra. Shpresoj që me qeverinë e re, të mund të plotësojmë boshllëqet që u krijuan me qeverinë e mëparshme, që nuk mundi të bëjë shumë.”

Ndërkohë, Rama tha se një prej propozimeve të tij për Kurtin, do të jetë vendosja e një ministri Shteti për Kosovën në Shqipëri dhe një ministri për Shqipërinë në Kosovë, i cili të merret gjithë kohën vetëm me marrëdhëniet mes dy vendeve.

Kryeministri po ashtu tha se Kosova nuk është vetëm e mirëpritur, por edhe e ftuar që të marrë pjesë në takimet për “Mini-schengenin ballkanik”.

“Takimi i radhës do të jetë më 10 nëntor në Ohër, nuk e di a do të krijohet qeveria në Kosovë deri më 10 Nëntor.”

Rama përsëriti se me Vuçiç dhe Zaev nuk ka firmosur asnjë marrëveshje, “është bërë një deklaratë e përbashkët. Në këtë aspekt nuk ka diskutim që nisma është gjithëpërfshirëse.”/tvklan.al


Reklama
Grupi
LAJMET

Të ngjashme

Reklama
UKT
Grupi
UKT