Kryeministri i Kosovës, Albin Kurti, ka bërë të ditur se nga Roma, nesër do të udhëtojë për në Bruksel.

Kurti tha se me këtë konfirmon pjesëmarrjen e tij në takimin e nivelit të lartë të dialogut të thirrur nga Përfaqësuesi i Lartë i BE-së, Josep Borrell.

“Do të insistojë për lirimin urgjent pa kushte të 3 policëve të mbajtur peng nga Serbia, deeskalimin dhe normalizimin e marrëdhënieve”, shkroi Kurti, transmeton Klankosova.tv.

Kujtojmë se presidenti i Serbisë, Aleksandar Vuçiç, ka thënë se nuk do të marrë pjesë në takimin e nivelit të lartë në dialog pa u liruar të gjithë serbët e arrestuar nga Policia e Kosovës.