Nisma ligjore u votua nga 35 deputetë
Nuk ka kaluar në Kuvend projektligji për mbrojtjen e vlerave të UÇK-së. Ndonëse të pranishëm ishin mbi 68 deputetë, kur u hodh në votim projektligji votuan vetëm 36 deputetë, 35 prej tyre për dhe 1 kundër, ndërsa deputetët e Lëvizjes Vetëvendosje dhe shumica e deputetëve të LDK-së nuk votuan fare.
Partia Demokratike e Kosovës është çuditur sipas saj me mosguximin e deputetëve për të votuar këtë projektligj.
Një ditë më parë kreu i LDK-së Isa Mustafa kishte kërkuar të tërhiqet projektligji ndërsa kundër këtij projektligji si të tillë kishte dalë edhe LVV duke e konsideruar si të mangët.
Ndërsa ambasada amerikane dhe zyra e BE-së në Prishtinë e kishin kritikuar projektligjin si të tillë duke kërkuar nga deputetët që të mos e votojnë atë.
Ambasadori amerikan Philip Kosnet konsideronte se ky ligj e kriminalizon fjalën e lirë.
Tv Klan
