Gjatë një interviste me Andy Cohen pas mbarimit të “Keeping Up With The Kardashians”, Kylie Jenner nuk ka mbajtur rezerva dhe ka zbuluar që ajo dhe Tyga nuk ruajnë marrëdhënie miqësore.
“Nuk jemi miq. Por jemi mirë. Nëse e takoj diku rastësisht, i uroj gjithmonë më të mirat. Nuk kam ndjenja negative ndaj tij”.
Por e vogla e familjes Kardashian-Jenner nuk është e vetmja që ka marrëdhënie të ftohtë me ish-in.
Kim gjithashtu foli mbi martesën e saj të famshme me Chris Humphires, e cila zgjati vetëm 72 ditë. Ajo tha se i detyrohej atij një ndjesë për mënyrën si dështoi martesa e tyre dhe se ishte përpjekur ta bënte, por ai nuk kishte dashur të fliste me të. Madje, në një takim rastësor në Los Anxheles disa vite pas ndarjes, ai as nuk e kishte përshëndetur.
“Të gjithë miqtë e tij erdhën të më përshëndesnin dhe të bisedonin me mua. Ndërsa ai thjesht më pa dhe as më foli”, tha 40-vjeçarja./tvklan.al
