Laç, koncertet e Vitit të Ri (27 Dhjetor 1999)


Laç, koncertet e Vitit të Ri (27 Dhjetor 1999)

15:15 27/12/1999

Aktivitete të shumta janë zhvilluar dhe në qytetin e Laçit. Pragu i Vitit të Ri ka sjellë për këto qytetarë të tjera aktivitete kulturore. Para disa ditësh për fëmijët laçianë ka qënë Trupa e Teatrit të Kukullave të Tiranës që ka pagëzuar aktivitetit festive. Për disa orë kjo trupë ka sjellë buzëqeshjen tek fëmijët laçianë.

Një sëre aktivitetesh janë organizuar në këtë qytet edhe nga Karitasi Francez të cilët kanë sponsorizuar shfaqje për fëmijët e kopshteve dhe të shkollave. Një ekspozitë e mundësuar nga ky Karitas ka bërë që shumë fëmijë të bashkëpunojnë midis tyre. Mesazhi i fëmijëve ka qënë duam paqe dhe lule në mijëvjeçarin e ri. Laçianët kanë pritur grupin Djemtë e Detit një bashkëpunim ky me Karitasin Francez. Edhe ky koncert ka risjellë mesazhet e tij.

Tingujt e muzikës dhe këngët e kënduara nga ky grup janë shoqëruar me duartrokitje të shumta. Koncerti që kishte pritur dhe këngëtarë nga Tirana ashtu dhe nga Laçi ia kanë lënë vendin aktiviteteve që do të zhvillohen ditën e Vitit të Ri. /tvklan.al












Të ngjashme