Nëse Lady Diana do të kishte pasur të vënë rripin e sigurimit natën e aksidentit tragjik, ajo do të ishte ende gjallë dhe do të kishte djemtë e saj të rriteshin e të krijonin familje.
I këtij mendimi është patologu i mjekësisë ligjore, Richard Shepherd, një ekspert në fushën e tij, i cili ka kryer më shumë se 23 mijë operacione pas vdekjes (post-mortum).
Shepherd ishte mjeko-ligjori që ekzaminoi për herë të dytë trupin e Princeshës Diana, për hetimin zyrtar mbi vdekjen e saj.
“Do të doja të thoja se ajo do të kishte vdekur gjithsesi, por fakti është që nëse do të kishte pasur të vënë rripin e sigurimit, ajo do të kishte qenë këtu për dasmën e Princit Willian dhe Harry-t”,
thotë eksperti.
Sipas Shepherd, nëse Diana do të kishte mbetur e bllokuar brenda automjetit do të kishte pësuar fraktura, por asgjë më shumë.
Më 31 Gusht 1997, e gjithë bota do të tronditej nga aksidenti tragjik që i mori jetën në moshën 36-vjeçare Princeshës së Britanisë së Madhe. 20 vjet më vonë, ajo vijon të kujtohet si mbretëresha e zemrave.
/tvklan.al