Lajme, #edicioniinformativ ora 23:30, 15 Prill 2025 #TvKlan #klanlajme
Spiker: Reis Çiço
Headlines 15 Prill 2025
Mbyllja e negociatave në 2027, Rama: BE nuk të fal asgjë, më 11 maj do ia çajmë rrjetën opozitës
Një ditë pas hapjes së grup-kapitullit të dytë të negociatave me Bashkimin Europian, kryeministri Edi Rama është optimist për mbylljen e tyre brenda vitit 2027. Ai thotë se më 11 maj, socialistet “do t’ia çajnë rrjetën opozitës”.
Berisha: “McGonigal”, skandal që nuk mbyllet për Ramën. Ulje taksash për biznesin e vogël
Sali Berisha thotë se Edi Rama nuk do te shpëtojë dot nga skandali i korruptimit të ish-zyrtarit të FBI-së, Charles McGognigal. Në një takim me sipërmarrësit, kryedemokrati premtoi uljen e taksave për biznesin e vogël.
Trazira në kampin e Gjadrit, lëndohen 3 emigrantë, njëri rikthehet në Itali
Trazira në kampin e Gjadrit. Një grup emigrantesh kanë dëmtuar dhomat ku po mbahen, ndërsa 3 prej tyre janë plagosur me thikë. Situata u vu nën kontroll me ndërhyrjen e forcave italiane të sigurisë që administrojnë kampin.
SPAK kërkon dënimin me 4 vjet burg për ish-prokurorin e Vlorës, Aurel Zarka
SPAK kërkon dënimin me 4 vjet burg për ish-prokurorin e Vlorës, Aurel Zarka, i cili akuzohet për korrupsion dhe ushtrim të ndikimit të paligjshëm. Nëse shpallet fajtor ai do të përfitojë ulje të dënimit, për shkak të gjykimit të shkurtuar.
Dështon konstituimi i Kuvendit të Kosovës, Kurti detyrohet të japë dorëheqjen për mandatin
Dështon seanca e konstituimit te Kuvendit te Kosovës. Deputetët nuk arritën as të bënin betimin pasi opozita e quajti shkelje faktin që kryeministri Kurti dhe disa ministra nuk kishin dhënë dorëheqjen, duke i detyruar ata të bëjnë këtë akt.
FIFA dënon Shqipërinë, 20% e stadiumit në ndeshjen kundër Serbisë do të jetë e mbyllur
FIFA ka gjobitur Shqipërinë me 20 mijë franga zvicerane dhe me mbylljen e 20% të stadiumit në ndeshjen kundër Serbisë për eliminatoret e botërorit. Shkak behet sjellja diskriminuese e tifozëve në përballjen me Andorrën.
/tvklan.al
