#Lajme, #edicioniinformativ ora 19:30 data 28 Gusht 2022 #TvKlan #KlanLajme
Spiker: Drini Zeqo
Headlines 28 Gusht 2022
Burg për të riun që vrau babanë në Mallakastër. Mariglen Muhametaj nuk shfaq pendesë në gjykatë
Gjykata e Fierit la në burg 37-vjeçarin, që disa ditë më parë vrau babanë e tij me mjete të forta në Mallakastër. Mariglen Muhametaj u braktis në seancë nga familjarët ndërsa para gjyqtares nuk shfaqi pendesë për krimin e kryer.
Studiuesi britanik zbulon mashtrimet me emigrantët shqiptarë: Gënjeshtra dhe propagandë e qeverisë
Opinionisti i “The Guardian”, Kenan Malik i konsideron “gënjeshtra të poshtra” lajmet se shqiptarët përbëjnë numrin më madh të klandestinëve të paligjshëm. Ai thotë se qeveria po bën propagandë të keqe, duke trumbetuar fakte jo reale.
‘’Ballkani i Hapur’’, potencial i madh për turizmin. Panairi i Beogradit ngre ura bashkëpunimi
“Ballkani i hapur” shndërrohet në potencial të madh për turizmin. Për 4 ditë në Beograd do mbahet një panair vere ku marrin pjesë më shumë se 330 ekspozues. Ekspertët thonë se synimi është ngritja e urave të bashkëpunimit.
Trefishohet çmimi i energjisë në Britani. Nga 1 Tetori fatura mesatare do jetë 3549 Paund
Trefishohet çmimi i energjisë elektrike në Britaninë e Madhe. Duke filluar nga 1 tetori një familje mesatare në Britani do të paguajë një faturë prej 3549 paundësh nga 1277 që ishte tetorin e një viti më parë.
Mijëra të rinj ndjekin ‘’Sunny Hill Festival’’ në Tiranë. Në natën e dytë performuan DJ më të mirë
Nata e dytë Sunny Hill Festival ndezi sërish atmosferën në parkun e Liqenit Artificial. Mijëra të rinj ndoqën deri në orët e para të mëngjesit muzikën e luajtur nga disa prej DJ me famë botërore. Festivali vijon dhe sot në natën e tij të fundit
