Spiker: Drini Zeqo
Burg për të riun që vrau babanë në Mallakastër. Mariglen Muhametaj nuk shfaq pendesë në gjykatë
Gjykata e Fierit la në burg 37-vjeçarin, që disa ditë më parë vrau babanë e tij me mjete të forta në Mallakastër. Mariglen Muhametaj u braktis në seancë nga familjarët ndërsa para gjyqtares nuk shfaqi pendesë për krimin e kryer.
Studiuesi britanik zbulon mashtrimet me emigrantët shqiptarë: Gënjeshtra dhe propagandë e qeverisë
Opinionisti i “The Guardian”, Kenan Malik i konsideron “gënjeshtra të poshtra” lajmet se shqiptarët përbëjnë numrin më madh të klandestinëve të paligjshëm. Ai thotë se qeveria po bën propagandë të keqe, duke trumbetuar fakte jo reale.
‘’Ballkani i Hapur’’, potencial i madh për turizmin. Panairi i Beogradit ngre ura bashkëpunimi
“Ballkani i hapur” shndërrohet në potencial të madh për turizmin. Për 4 ditë në Beograd do mbahet një panair vere ku marrin pjesë më shumë se 330 ekspozues. Ekspertët thonë se synimi është ngritja e urave të bashkëpunimit.
Trefishohet çmimi i energjisë në Britani. Nga 1 Tetori fatura mesatare do jetë 3549 Paund
Trefishohet çmimi i energjisë elektrike në Britaninë e Madhe. Duke filluar nga 1 tetori një familje mesatare në Britani do të paguajë një faturë prej 3549 paundësh nga 1277 që ishte tetorin e një viti më parë.
“Sunny Hill Festival” 3 netë suksesi në Tiranë. Mijëra të rinj shijojnë emrat e njohur të muzikës
Mijëra të rinj i janë bashkuar edhe sot “Sunny Hill Festival”, në natën e tretë dhe të fundit që po mbahet në kodrat e liqenit artificial të Tiranës. Emra të njohur të muzikës shqiptare dhe ndërkombëtare dhurojnë spektakël për të pranishmit.