Me skena tepër prekëse, aktorja Dilan Cicek Deniz (Sena) i jep lamtumirën sonte serialit “Çukur”, i cili transmetohet në Klan Plus.
Një e re me vullnet të hekurt, e cila arrin të bashkojë familjen Koçovali falë sakrificave të saj të panumërta, vjen koha që gjithçka e paguan me jetën e saj.
Ashtu siç thotë edhe vetë aktorja në postimin e saj të pas largimit nga seriali “unë nuk jam heroine”, por shton se “për të mbrojtur të dashurit nuk është nevoja të jesh hero”.
“Unë jam Sena! Për mua ishte më e veçanta. Prej dy sezonesh pata mundësinë të punoj me shpirtra të bukur. U rrita, si nga ana profesionale edhe jetësore e mësova shumë nga të gjithë. Falenderoj përzemërsisht të gjithë ata që më mbështetën dhe ma dhanë këtë mundësi. Më keni motivuar që vazhdimisht të përmirësohem. Mësova shumë edhe nga Sena. Si të bëhem e fortë, si të them jo, t’i dua shumë të gjithë dhe gjithçka. Falenderime për partnerin (Jamaç), Ay Yapim, regjisorin, skenaristin, aktorët, për nënën, babanë, dhe të gjithë të cilët më qëndruan pranë deri në skenën e fundit, por falenderimi më i madh shkon për regjinë dhe produksionin, të cilët edhe pse punojnë shumë e lodhen, nuk harrojnë të jenë njerëz të mirë. Sa mirë që ekzistoni, sa mirë… Ndoshta asnjëri prej nesh nuk jemi heronj, veçanërisht unë, nuk jam asfare! Për të mbrojtur të dashurit nuk është nevoja të jesh hero!”, shkroi Deniz në postimin e saj të lamtumirës.
“Çukur” do të vazhdojë transmetimin në Klan Plus, por tashmë pa një prej aktoreve kryesore. Jamaçi nuk do ta ketë më Sena-n në krah. /tvklan.al