Pavarësisht problemeve të këtij sezoni, Rafael Leao nuk dëshiron të largohet nga Milani.
E ardhmja e sulmuesit portugez duket te kuqezinjtë, të paktën edhe për sezonin e ardhshëm.
Leao ka hasur vështirësi të mëdha, për shkak se është lënë shpesh në stol nga trajnerët, diçka që ka ndikuar edhe në moralin e lojtarit.
Megjithatë sipas “La Gazzetta dello Sport”, luzitani duket i vendosur për të qëndruar në “San Siro”.
Ai e sheh të ardhmen te Milani dhe dëshiron të ndihmojë ekipin, në ringritjen që synohet nga sezoni i ardhshëm.
Leao ka një klauzolë largimi prej 175 milionë Eurosh, por duket i vendosur të mos ndryshojë ambient, pavarësisht ofertave në drejtim të tij.
/tvklan.al
