Ish-Presidentet amerikanë duhet të dorëzojnë dokumentet sekrete
Zbulimi i një numri të konsiderueshëm të dokumenteve të klasifikuara në rezidencat private të ish-presidentit amerikan Donald Trump dhe zyrën dhe shtëpinë e Joe Biden e ka shtyrë Arkivin Kombëtar që të rishikojnë të dhënat e tyre personale për çdo dokument të klasifikuar.
Arkivat u dërguan një letër përfaqësuesve të ish-presidentëve dhe nënpresidentëve, duke shkuar deri në periudhën e presidentit Ronald Regan për të siguruar pajtueshmërinë me Aktin e të dhënave presidenciale. Akti thotë se çdo regjistrim i krijuar ose i marrë nga presidenti është pronë e qeverisë së SHBA dhe do të menaxhohet nga Arkivat në fund të çdo administrate.
Arkivat ua dërguan letrën përfaqësuesve të ish-presidentëve Donald Trump, Barack Obama, George W. Bush, Bill Clinton dhe Ronald Reagan, dhe ish-nënpresidentëve Pence, Biden, Dick Cheney, Al Gore dhe Dan Quayle. Zëdhënësit e ish-presidentëve Trump, Obama, Clinton dhe ish-nënpresidentëve Pence, Dick Cheney, Al Gore dhe Dan Quayle nuk iu përgjigjën kërkesës së Arkivit.
Avokatët e presidentit Biden gjetën dokumente të klasifikuara nga koha e tij si zëvendëspresident në një kabinet të mbyllur. Edhe në rezidencën private në Indiana të ish-zëvendëspresidentit Mike Pence, FBI gjithashtu këtë javë zbuloi dokumente dhe i dorëzoi pasi kishte thënë më parë se nuk besonte se kishte të tilla.
Trajtimi i dokumenteve të klasifikuara ka qenë një problem i vazhdueshëm për dekada, por çështja ka marrë një rëndësi më të madhe që kur ish-presidenti Donald Trump mbajti me forcë materiale të klasifikuara në pronën e tij në Florida, duke shkaktuar sekuestrimin e paprecedentë nga FBI-ja të mijëra faqeve të të dhënave vitin e kaluar.
Rezulton se zyrtarë nga të gjitha nivelet e qeverisjes zotërojnë materiale të klasifikuara dhe ua dorëzojnë ato autoriteteve të paktën disa herë në vit. Zyrtarët aktualë dhe ish-zyrtarë të përfshirë në trajtimin e informacionit të klasifikuar thonë se ndonëse ka politika të qarta se si duhet të rishikohen dhe ruhen këto informacione, këto rregulla ndonjëherë lihen mënjanë në nivelet më të larta.
Klan News
