Vajzat u mblodhën në nje ndërtesë të qeverisë pas lirimit të tyre
Një grup prej gati 300 vajzash që u rrëmbyen nga një shkollë në Nigerinë veri-perëndimore javën e kaluar janë liruar.
Vajzat u rrëmbyen nga persona të armatosur të paidentifikuar nga shkolla e tyre në Jangebe. Guvernatori i shtetit ka bërë të ditur se grupi ishte çliruar dhe vajzat tani ishin të sigurta.
Rrëmbime të tilla kryhen për qëllime financiare dhe janë të zakonshme në veri. Dhjetëra vajza u mblodhën në një ndërtesë qeveritare në Zamfara dhe u morën nga autoritetet.
Por rrëmbimi i vitit 2014 i 276 nxënëseve në qytetin veri-lindor të Chibok nga militantët islamikë Boko Haram solli vëmendjen globale në sfidat në rritje të sigurisë me të cilat po përballej Nigeria. Ndërkaq shkollat në Nigerinë rurale veriore janë më të prekshme nga rrëmbimet.
Bastisja në shtetin Zamfara ishte rrëmbimi i dytë në rajonit në javët e fundit. Rreth 27 studentë u rrëmbyen nga një shkollë me konvikt në Kagara në shtetin veri-qendror të Nigerisë muajin e kaluar para se të liroheshin më 17 shkurt.
Veri-perëndimi i Nigerisë ka parë një rritje të sulmeve nga bandat kriminale të armatosura rëndë në vitet e fundit. Këto grupe kryesisht po infiltrohen nga militantët xhihadistë që zhvillojnë kryengritje në rajon.
Klan News