Spektakli Love Story në TV Klan u shoqërua me atmosferë festash teksa Saimiri dhe vajzat kaluan disa çaste bashkë duke shkëmbyer dhuratat e fundvitit.

Ndërkohë, disa nga vajzat kanë rrëfyer pak më shumë për jetën e tyre.

Valentina flet për lidhjen e fundit që ka pasur

Në një intervistë për programin “Daily Love Story”, me autore Ilda Lumanin, Valentina ka treguar pak më shumë rreth së kaluarës së saj, karakterit dhe të ardhmes.

Ndër të tjera ajo ka folur edhe për lidhjen e fundit që ka pasur, teksa ka theksuar që ndarja erdhi si pasojë e drejtimeve të ndryshme që ata morën në jetë.

Cilin konsideron ti njeriun më të shtrenjtë në jetë?

Njeriu më i rëndësishëm për mua ishte mami im. Edhe pse tani nuk është ajo vazhdon të jetë personi më i rëndësishëm për mua. Por edhe babi normalisht, familja.

Çfarë konsideron ti mjerimin më të madh?

Gjëja më e keqe për mua që mund të ndodhi është që mos të kem një familje në të ardhmen time. Një familje që kur të kthehem në shtëpi më pret, një shtëpi e ngrohtë.

Kush është frika jote më e madhe?

Që ëndrrat e mia të mos realizohen.

Cilat janë tre gjëra që ti dëshiron t’i bësh patjetër në jetë?

Të kem familjen time, të jem e pavarur, të kem punën time dhe të udhëtoj në të gjithë vendet e botës.

Nëse sot do të ishte dita jote e fundit e jetës, çfarë do të vendosje të bëje?

Do doja ta kaloja me njerëzit më të afërm dhe të kënaqesha pafund.

Suela rrëfehet për veten: Gënjej shumë!

Veç të tjerash Suela ka pohuar që gënjen shumë, por për gjëra të vogla.

Cila është gjëja më e rëndësishme në jetë për ty?

Dihet, është familja. Dhe t’ia arrij atij qëllimit që dua unë. Të jem dikushi në jetë që të përmendem për mirë.

Ke marrë ndonjë zhgënjim në jetë?

E kam thënë dhe do ta them prapë, që jam marrë me një person shumë të gabuar. Më ka ikur një vit e gjysëm me atë person.

Po frika jote më e madhe kush është?

Frika më e madhe është që mos të mbetem kurrë vetëm. Nuk rri dot.

Po lumturia çfarë është për ty?

Është gjithçka. Mjafton të jem e lumtur përher. Unë jam ai tipi pozitiv, i dashur, sado që të dukem pak e ftohtë kështu.

Çfarë do të të shtynte ty që të gënjeje?

Unë jam edhe binjak në horoskop dhe gënjej shumë. Por nga këto, dole nga shtëpia dhe them po, ndërkohë që s’kam bërë akoma make-up. Ose kur gënjej për ndonjë shoqen time të ngushtë.

Meri tregon çfarë nuk duron dot tek një person

Meri ka folur për pasionet e saj, gjërat më të rëndësishme në jetë dhe gjërat që nuk i duron dot.

Çfarë konsideron ti gjënë më të rëndësishme në jetë?

Gjëja më e rëndësishme në jetë për mua është familja. Është arsyeja përse unë jetoj dhe pa familje nuk ka një jetë të lumtur.

Çfarë konsideron ti mjerimin më të madh?

Mjerimi më i madh është të jetosh vetëm, të mos kesh njerëzit që do përreth dhe të mos bësh atë që do.

Cilat janë tre gjërat që ti do të doje t’i bëje patjetër në jetë?

Tre gjërat që unë do të doja t’i bëja patjetër në jetë është të kem një profesion timin, të kem një familje dhe të kem një fondacion bamirësie. Këtë gjë e kam bërë që kur kam qenë e vogël, kur shikoja prindërit e mi.

Ka ndonjë talent që ti do të doje ta kishe?

Do të doja të isha pianiste. E kam ëndërruar që kur kam qenë e vogël por mami asnjëherë nuk më futi në kurs sepse nuk donte që unë të fokusohesha tek arti. Donte që unë të kisha të bëja me mjekësinë.