Makina përplaset me trajlerin, humb jetën 30-vjeçari



Makina përplaset me trajlerin, humb jetën 30-vjeçari

20:30 26/02/2021

(Video nga vendi i ngjarjes)

Dy automjete u përfshinë mbrëmjen e kësaj të premteje në një aksident në Rrugën e Kombit.

Gazetari i Klan News, Edison Vatnikaj raporton se nga ky aksident ka humbur jetën 30-vjeçari Armand Xhaferri.

Mësohet se ai po lëvizte me një mjet të tipit BMW, kur u përplas me një trajler. Përplasja ishte tepër e fortë dhe i riu gjeti vdekjen e menjëhershme. Për nxjerrjen e trupit të tij nga makina mësohet se u desh ndërhyrja e zjarrfikësve.

“Në aksin rrugor Milot-Rrëshen, në afërsi të një karburanti mjeti me drejtues shtetasin E.H.,është përplasur me mjetin tip “BMW” me drejtues shtetasin A.Gj.,i cili për pasojë ka humbur jetën. Grupi hetimor në vendngjarje punon për sqarimin e plotë të shkakut dhe rrethanave të ngjarjes”, tha policia në një njoftim për mediat.

Klan News







Të ngjashme