Në 16 komuna ngrihen Covid-Qendra Rajonale
Kryetarët e 16 komunave të Maqedonisë së Veriut kanë përkrahur propozimin për të formuar Covid-Qendra Rajonale në qytetet ku ka spitale të përgjithshme dhe shtëpi të shëndetit. Nga Ministria e Shëndetësisë kanë theksuar se kjo bëhet me qëllim që sistemi shëndetësor të përgatitet për valën e vjeshtës së koronavirusit dhe të mos ngarkohen spitalet.
“Nuk presim ndonjë befasi për numër më të madh të pacientëve që do të shtroheshin nëpër spitale. Vazhdon me intensitet të njëjtë puna e epidemiologëve në terren. Do të vazhdojmë testimin intensiv, të ndjekim kontaktet dhe të jemi gati për valën e re”.
Bëhet fjalë për ndërtimin e kapaciteteve shtesë të spitaleve, respektivisht spitaleve të improvizuara, por edhe të adaptohen kapacitete të tjera që do të mund të shfrytëzoheshin si qendra të përkohshme Covid.
Tv Klan
