Maqedonia e Veriut pret datën e negociatave me BE-në në tetor

Maqedonia e Veriut pret datën e negociatave me BE-në në tetor

10:11 04/09/2019

Maqedonia e Veriut pret të marrë një datë për fillimin e bisedimeve të pranimit në BE në Tetor, dhe është e shqetësuar se rajoni i Ballkanit do të dekurajohej për të kryer reforma nëse nuk fillojnë këto bisedime, tha të martën ministri i Jashtëm i Maqedonisë së Veriut, Nikolla Dimitrov.

“Kjo do t’u dërgonte një mesazh udhëheqësve të tjerë në Ballkan, se nuk ia vlen të investoni kapital politik për marrjen e vendimeve të vështira”, tha Dimitrov.

Në një prononcim për Reuters, Dimitrov, shtoi se një fillimi i bisedimeve të pranimit do të ndihmojë në bindjen e të rinjve të mos migrojnë dhe të kërkojnë një “stil evropian të jetës” diku tjetër.

Ish-republika Jugosllave, ndryshoi emrin e saj nga Maqedonia në Maqedoninë e Veriut këtë vit, duke përfunduar një mosmarrëveshje më shumë se dy dekadëshe me Greqinë, dhe duke hequr një pengesë për anëtarësimin e saj në BE dhe NATO.

Komisioni Evropian rekomandoi zyrtarisht në maj që Maqedonia e Veriut të fillojë negociatat për t’u anëtarësuar në BE. Vendi kishte shpresuar të merrte datën për të filluar bisedimet e pranimit në qershor, por Këshilli i BE-së, e shtyu vendimin për Tetor.

Dimitrov gjithashtu tha që Maqedonia pritet të bëhet anëtare e NATO-s në dhjetor, ose në fillim të vitit të ardhshëm.

Vetëm 50 përqind e maqedonasve që kanë moshë pune janë të punësuar. Nga niveli i ulët i lindjeve dhe migracioni po zvogëlohet fuqia punëtore, thuhet në një raport të Bankës Botërore në vitin 2018./REL

LAJMET
Të ngjashme
Delta

UKT