Familja mbretërore përfshihet sërish në diskutime për raportet mes tyre
Jo vetëm Harry dhe William, por edhe pjestarë të tjerë të familjes kanë marrëdhënie të trazuara. Andrew Morton, një shkrimtar që merret prej vitesh me biografinë e familjes mbretërore, në librin e tij të ri “The Intimate World of the Windsor Sisters” është përqendruar në historinë pak të njohur të dy motrave të mbretëris, Margaret dhe Elizabeth.
Në libër marëdhënia e dy motrave është nga historitë më të pabesueshme dhe interesante të familjes mbretërore.
Ato për 10 vite u rritën larg fronit dhe diferenca e vogël në moshë solli që vajzat të rriteshin si binjake, me një Elizabetë që u soll “në nivelin” e Margaret, 4 vite më e vogël.
Sipas Morton krisja nisi që prej kurorëzimit të babait të tyre George VI ku Elizabeth u edukua nga Mbretëresha dhe Margaret u bë “e dyta e përjetshme”.
Magaret kishte një natyrë emocionale, kurse Elisabeth ishte e kujdesshme. Dy figura që papritmas e gjetën veten të ndarë me kriza të dukshme dhe një xhelozi të theksuar. Aq sa Margaret në një takim pune të Elizabeth me Kryeministrin i tha: “Nëse nuk do të ishe mbretëreshë askush nuk do të fliste me ty“.
Morton sjell një kendvështrim të ri për Mbretëreshën e cila sipas shkrimtarit ishte e gatshme të linte fronin për motrën e saj. Në atë që u quajt çështja Townsend. Por kjo është një histori tjetër magjepsëse, ka thënë autori.
Klan News
