Burgim i përjetshëm për Luan Marrën

Burgim i përjetshëm për Luan Marrën

12:44 12/03/2018

Nuk i shpëtoi dënimit me burg përjetë Luan Marra. I njohur si vrasësi i vëllait, nuses dhe nipit, ai është akuzuar si autori i masakrës së ndodhur më 9 shkurt 2006 në komunën i Havaleas në komunën e Kozarës.

Gjykata e Rrethit të Beratit e shpalli fajtor dhe dënoi me burgim të përjetshem Luan Marrën, i cili  arrestua dhe u dënua me akuzën për vrasjen e vëllait të tij, Shpëtim Marrës, si dhe ekzekutimin e kunatës Flories, e cila ishte shtatzënë në kohën kur ndodhi krimi, dhe djalin 2- vjeçar të viktimave, Artiol Marra.

Gjykata e Beratit kishte rimarrë në gjykim dosjen pas vendimit të Gjykatës Kushtetuese për rikthim të çëshjes për gjykim nga e para.

Dy herë me radhë, Luan Marra është dënuar me burg të përjetshëm, por në të dyja rastet Kushtetuesja e ka rikthyer çështjen për gjykim nga e para.

Ngjarja në atë kohë ka tronditur jo pak opinionin publik në qytetin e Beratit dhe jo vetëm. Motivi mbi të cilin u bazua fajësia e tij kishte të bënte në lidhje me një marrëdhënie të mundshme mes tij dhe gruas së vëllait dhe shtatzanisë së Flories.

Tv Klan





Grupi
LAJMET

Të ngjashme




Grupi