Masakra në Mat, Basha: Dëshmi e përgjakshme e degradimit total të shtetit

Kryetari i opozitës Lulzim Basha ka reaguar lidhur me masakrën e kësaj të enjte, ku vdiqën tre persona dhe një tjetër u plagos në Mat. Basha e cilëson ngjarjen e sotme si një tjetër dëshmi të degradimit total të shtetit.

“Ngjarja e sotme është një tjetër dëshmi e përgjakshme e degradimit total të shtetit, e pasigurisë që mbretëron ngado dhe e guximit të banditëve të veshur me pushtet për të kryer një masakër të tillë”.

Dy punonjës të Bashkisë së Matit dhe një banor i fshatit Shëlli janë ekzekutuar me kallashnikov në një konflikt që ka ndodhur në këtë fshat. Të tre ishin duke drekuar, pasi kishin punuar për ndërtimin e një rruge në këtë zonë.

Reagimi i plotë:

“Një ngjarje e tmerrshme ka goditur sot Matin dhe ka trazuar shpirtin e çdo shqiptari. Tre punonjës të bashkisë që po punonin për ndërtimin e një rruge janë vrarë barbarisht me bukë në gojë në fshatin Shëlli.
Në këto momente të vështira jam pranë familjeve të Mentor Hoxhës, Hamit Buçit dhe Erzen Alijës dhe lus Zotin që tua lehtësoj sado pak dhimbjen
Po ashtu i uroj shërim të shpejtë të plagosurit Astrit Hani.

Ngjarja e sotme është një tjetër dëshmi e përgjakshme e degradimit total të shtetit, e pasigurisë që mbretëron ngado dhe e guximit të banditëve të veshur me pushtet për të kryer një masakër të tillë”./tvklan.al

Kategori
PolitikaTe funditTë gjitha
1 Koment
  • demokrati i vertete
    12 Tetor 2018 at 04:03
    Përgjigju

    Viktimat ishin duke punuar ne pune te shtetit . Jane vrare duke punuar , duke punuar o shefi i opozites! Ka erdhur koha qe te thuhet qe keta punetore ndertimi -” jane vrare ne krye te detyres” sepse jemi mesuar qe vetem per policet e vrare thuhet kjo fraze ! Ne qofte se ti o shefi i opozites do jesh neser ne krye te shtetit dhe keta te shkrete nuk do ishin vrare , ata do te ishin punetoret e tu ! Ka qindra raste te tjera ku qeveria aktuale mund te akuzohet per lidhje me kriminelet , por ky i sotmi nuk eshte i tille . E vetmja gje qe ky krim nuk klasifikohet eshte pikerisht kjo qe thua ti-degradim shteti ! Ku e sheh ti degradimin ? Qe krimineli u kap brenda nje ore ? Qe policia rrethoi shtepine e kriminelit per te evitur ndonje gjakmarrje? Ku?
    Pra ne qofte se do te japesh mesazh qe ti do jesh me i mire se ky k/minister duhet te tregosh per kete ngjarje tragjike qe ti do te jesh mbrojtesi shtetit ne sherbim te publikut! Thjesht duhet te denosh aktin makaber te vrasesit dhe te ngushellosh familjet e viktimave. Biles ti , po po ti i pari, me perpara qeverise, te propozosh qe ata te behen heronj! . Sepse me kete koment qe bere sot ti tregon se neser ti do te jesh mbrojtesi i vrasesit !

  • Përgjigju

    *

    *


    Emisione