Gjykata vendos nën sekuestro pronat e Altin Hajrit

Gjykata Kundër Krimit të Organizuar dhe Korrupsionit ka dhënë vendimin e parë për pronat që dyshohet se janë vendosur nga aktivitete të paligjshme. Nën sekuestro janë vënë pronat e Altin Hajrit që ndodhen në Shijak.

Bëhet fjalë për kompleksin ‘Golden Resort’, një karburant dhe një vilë 2-katëshe në pronësi të Hajrit që rezulton i shpallur në kërkim për rrëmbimin dhe zhdukjen e Jan Prengës.

Gjithashtu togat e zeza kanë sekuestruar një automjet në pronësi të Durim Bamit, i dënuar më parë për vjedhje me armë.

Të dyja këto vendime i janë dërguar për ekzekutim Agjencisë së Sekuestrimit të Pasurive Drejtorit të Përgjithshëm të Policisë, si dhe Prokurorisë së Posaçme.

Brenda gjashtë muajsh nëse këta persona nuk e justifikojnë pasurinë, ato do të konfiskohen dhe do të kalojnë në pronësi të shtetit.

Tv Klan