Sondazhet nxjerrin fitues kandidatin e së majtës
Në Brazil po mbahet këtë të dielë raundi i pare i zgjedhjeve Presidenciale. Krahu i djathtë përfaqësohet në këto zgjedhje nga presidenti aktual Jair Bolsonaro i cili është akuzuar shpesh për përfshirje në afera të ndryshme korruptive .
Ndërsa përballë nga e majta është ish-Presidenti Luiz Inacio Lula da Silva, i cili synon një mandat të tretë.
Sondazhet paraprake tregojnë se fituesi i këtyre zgjedhjeve pritet të jetë pikërisht Lula, i cili përfaqëson një rikthim të madh politik pasi ish-Presidenti u dënua me burg në Korrik 2017 për një sërë akuzash për korrupsion dhe pastrim parash.
Nëse njëri prej kandidatëve kryesor arrin të sigurojë mbi 50% të votave në këtë raund të parë atëherë nuk do të jetë nevoja që të mbahet një raund i dytë votimi në balotazhin e 30 Tetorit.
Presidenti aktual Jair Bolosonaro ka shprehur nëpërmjet qëndrimeve të tij se ai nuk do t’i njohë rezultatet e këtyre zgjedhjeve nëse nuk arrin fitoren. Humbja e tij që është parashikuar tashmë nga sondazhet paraprake pritet të sjellë trazira në Brazil.
Tv Klan