Ish-Presidenti i Shteteve të Bashkuara të Amerikës, Donald Trump, ka njoftuar se ka paditur gjigandët teknologjikë të Google, Twitter dhe Facebook. Trump pretendon se ai është viktimë e censurimit.
Padia e tij shënjestron edhe drejtuesit ekzekutivë të kompanive. Trump është pezulluar nga llogaritë e rrjeteve sociale në Janar mbi shqetësimet për sigurinë publike pas përleshjeve në Capitol.
Të mërkurën, Trump e quajti padinë një zhvillim të bukur të lirisë së fjalës. Në një konferencë për mediat nga resorti i tij i golfit, Trump tha se kompanitë e rrjeteve sociale dhe demokratët po mbrojnë keqinformimin.
Në padi, Trump kërkon me urdhër gjykate që t’i jepet fund censurimit ndaj tij. Trump shton ndër të tjera se “nëse pezullimi i bëhet një presidenti, atëherë mund t’i ndodhë kujtdo”. Në lidhje me padinë nuk ka reaguar asnjë prej kompanive./tvklan.al
