Një 65-vjeçar është arrestuar mëngjesin e kësaj të shtune në Mirditë. Në një njoftim për mediat, Policia bën me dije se të moshuarit i është sekuestruar një armë dhe një sasi lënde narkotike.
“Pas informacioneve të siguruara në rrugë policore se një shtetas posedonte lëndë narkotike dhe armë zjarri në banesë, kanë ushtruar kontroll në banesën e shtetasit P. B., në fshatin Gëziq, Mirditë.
Gjatë kontrollit të ushtruar u gjetën një sasi lëndë e dyshuar narkotike kanabis dhe një armë zjarri pushkë”, njofton Policia.
P.B. është arrestuar në flangrancë dhe tashmë do të përballet akuzat për veprat penale “Prodhimi dhe shitja e narkotikëve” dhe “Armëmbajtja pa leje”./tvklan.al
