Më shumë plazhe publike dhe të sigurt



Më shumë plazhe publike dhe të sigurt

20:57 03/07/2020

Klosi: Do të jemi në terren për zbatimin e protokollit

Me 20 plazhe të shtuara publike nën administrimin e Bashkisë së Kavajës, ministri i Turizmit dhe Mjedisit, Blendi Klosi kujtoi se do të ruhen me rigorozitet hapësirat e përcaktuara për ata privatë.

Ministri Klosi tha se kushtet e vendosura për një bregdet të sigurt në kushtet e Covid-19 duhet të zbatohen.

“Do të vazhdojmë përgjatë gjithë muajve të verës të jemi në terren për të garantuar zbatimin pikë për pikë të protokollit të Ministrisë së Shëndetësisë për të pasur mundësinë që të bëjmë turizëm, por së bashku me turizmin të jemi shumë të mbrojtur nga pikëpamja e zbatimit të protokollit”.

Kushtet e higjienës janë të domosdoshme në një situatë të tillë. Për një plazh më të sigurt do të ketë bashkëpunim mes autoriteteve lokale dhe policisë.

Ndarja e plazheve në këtë sezon është 80% publik dhe 20% privat.

Tv Klan




Të ngjashme