Aktorja Bensu Soral i ka dhënë fund beqarisë duke u kurorëzuar në martesë me biznesmenin Hakan Bas.
Dasma e çiftit të famshëm, me pjesëmarrjen e shumë miqve, u organizua në hotelin “Four Seasons” në Stamboll.
Në ditën e saj më të lumtur, Soral ka magjepsur të ftuarit me dy fustane nusërie me firmën e Tuvana Büyükçınar Demir, ndërsa dhëndri kishte veshur smokin.
Në dasmë morën pjesë figura të njohura të sportit dhe artit, por në sy ra mungesa e Cagatay Ulusoy (Sarp), me të cilin Soral ka luajtur në të njëjtin serial.
Aktorja 27-vjeçare fitoi famë ndërkombëtare me rolin e Melekut në serialin shumë të ndjekur “I Infiltruari”, i cili është transmetuar në Shqipëri nga Klan Plus dhe Tv Klan. /tvklan.al