Mediat britanike konfirmojnë gjithçka, është Verstappen
Vetëm pak ditë pasi u zyrtarizuan edhe për një sezon në drejtimin e Mercedes, te skuderia gjermane e Formula 1, po mendojnë për pasuesin e Luis Hamilton.
Britaniku është në fundin e karrierës në botën më spektakolare të automobilizmit dhe për këtë, Mercedez tenton t’i bëjë parapritë. Sipas asaj që raportojnë mediat britanike, Mercedes ka identifikuar edhe zëvendësuesin. Bëhet fjalë për pilotin, Max Vershtapen.
Holandezi shihet si trashëgimtari natyror i fronit të Hamiltonit në Formula 1. 23-vjeçarit i skadon kontrata në vitin 2023, por në marrëveshjen aktuale ka klauzola që lidhen me performancën e tij që mund të shkaktojnë largimin në fund të vitit.
Vershtapen i cili triumfoi në garën e fundit të sezonit të shkuar në Abu Dabi përfundoi i treti në renditjen e përgjithshme, pas dyshes së Mercedes, Hamilton dhe Valtteri Bottas.
Klan News
