Meryl Streep thotë se ishte në depresion kur luajti “Djalli i veshur me Prada”




Meryl Streep thotë se ishte në depresion kur luajti “Djalli i veshur me Prada”

07:00 15/06/2021

Aktorja e çmimeve Oskar: “Ishte e tmerrshme”

Koha gjatë së cilës Meryl Streep luante rolin e Miranda Priestly në “Djalli i veshur me Prada” nuk ishte aq argëtuese sa dukej.

Aktorja 71-vjeçare ndau kujtimet e saj të kohës kur xhironte dramedinë e famshme, përvjetori i 15-të i së cilës po afron. Në këtë film, përkrah saj luanin Anne Hathaway, Emily Blunt dhe Stanley Tucci.

Roli i dominantes dhe të frikshmes Miranda Priestly, e detyroi të përdorte “aktrimin metodik”, një teknikë e zgjedhur nga aktorët për ta bërë performancën sa më të besueshme.

Ishte e tmerrshme! Ndihesha e mjerë, ndërsa i dëgjoja të gjithë që shkundeshin nga të qeshurat. Isha në depresion. Ajo ishte hera e fundit që përdora teknikën metodike”, tha Streep./tvklan.al





Të ngjashme